THE TRUE YOU
عنجد مبسوطين؟
ولا بس متعوّدين عَ حياتكوا؟
يمكن حياتكوا من برّا مبينة ماشية… بس من جوّا إنتوا عارفين إنكوا مش عنجد مرتاحين.
خلال 5 لقاءات مباشرة معي، رح تكتشفوا شو الحاجز اللي موقفكوا،
رح تفهموا من وين بلّش النمط اللي عم بتكرّروه، وتتعلموا كيف توقفوه - سواء بعلاقاتكوا، بشغلكوا، بقراراتكوا أو بعلاقتكوا مع حالكوا - عشان تبنوا حياة بتشبهكوا وبتريحكوا أكتر.
إذا إنتوا عارفين شو لازم تعملوا… ليش مش عم تعملوا؟
إنتوا مش عالقين لأنكوا ما بتعرفوا شو لازم تعملوا.
ومش إنكوا ما عندكوا إرادة.
كتير من ردات فعلكوا اليوم انبنت من زمان.
بوقت ما تعلمتوا مين لازم تكونوا عشان تنحبّوا؛ تنقَبَلوا وتحسّوا بالأمان.
يمكن تعلّمتوا:
- تسكتوا عشان ما تِعملوا مشاكل.
- تكونوا أقوياء عشان ما تكونوا عبء.
- تغيّروا حالكوا عشان ما يتركوكوا.
- ترضوا غيركوا عشان تحسّوا إنه إلكوا قيمة.
شغّلوا الفيديو وشوفوا إذا المسار مناسب إلكوا 👇🏽
بس الإشي اللي حماكوا بالماضي… ممكن يكون هو نفسه الإشي اللي عم بمنعكوا تكونوا مبسوطين اليوم.
إنتوا غالبًا بتعرفوا:
- بتعرفوا إنه لازم تقولوا “لأ”.
- بتعرفوا إنه لازم توقفوا التنازل عن حالكوا.
- بتعرفوا إنه لازم تعبّروا عن اللي مزعّلكوا.
- بتعرفوا إنه لازم توخدوا قرار.
- وبتعرفوا إنه لازم تختاروا حالكوا.
بس بين الإشي اللي بتعرفوه، وبين الإشي اللي بتعملوه،
في خوف أو اعتقاد قديم عم بشتغل بدون ما تنتبهوا.
ممكن تعرفوا إنكوا لازم تحطّوا حدّ، بس تخافوا يبعدوا عنكوا.
ممكن تعرفوا إنه العلاقة مش مريحة، بس تخافوا تضلّوا لحالكوا.
ممكن تعرفوا إنكوا لازم تحكوا، بس يكون في صوت جوّاتكوا بقول:
“اسكت… بلا مشاكل.”
وممكن تعرفوا إنكوا لازم تختاروا حالكوا، بس تحسّوا بالذنب كل مرة بتعملوها.
عشان هيك هدفنا مش بس نفهم شو المشكلة.
هدفنا نوصل للنمط المخفي اللي بخلّيكوا تِرجعوا لنفس المكان، نِفهم ليش انبنى، ونِتعلّم كيف نختار بطريقة مختلفة.
المسار مناسب إلكوا إذا:
بتعرفوا/ما بتعرفوا شو لازم تغيّروا، بس مش قادرين تعملوا الخطوة.
بتلاقوا حالكوا بترجعوا لنفس العلاقات، المواقف أو القرارات.
صعب عليكوا تقولوا “لأ”.
بتخافوا تزعّلوا غيركوا أو تخيّبوا أمله.
بتتنازلوا عن احتياجاتكوا عشان تحافظوا على العلاقة.
بتسكتوا كتير، وبعدين بتنفجروا.
بتحتاجوا موافقة الآخرين قبل ما تاخدوا قرار.
أو يمكن حياتكوا ماشية… بس إنتوا مش حاسين إنكوا مبسوطين فيها.
إذا حسّيتوا إنه الحكي بحكي عنكوا، يمكن هاد هو الوقت تفهموا شو اللي فعلًا بمسككوا.
المسار غير مناسب إلكوا إذا…
- بدكوا حلّ سحري بدون تطبيق بين اللقاءات.
- بدكوا تغيير كل الناس حواليكوا بدل ما تشتغلوا على ردّات فعلكوا.
- مش مستعدين تشوفوا حالكوا بصدق.
مين أنا؟ 
أنا ميرا توما، مدرّبة ومحاضِرة بالتطوير الشخصي.
بسنين شغلي مع الناس، اكتشفت إنه أكتر إشي بعرف أعمله هو إني أشوف السبب اللي الشخص نفسه مش قادر يشوفه.
مرات بتفكروا إنه مشكلتكوا ضعف ثقة، تأجيل، عدم استمرارية أو قلة إرادة…
بس لما نفكّك اللي عم بصير، منكتشف إنه تحت المشكلة في خوف، اعتقاد أو نمط قديم عم بدير قراراتكوا وعلاقاتكوا. 
شغلي مش بس أخليكوا تفهموا حالكوا أكتر.
شغلي أساعدكوا تشوفوا شو عم بصير جوّاتكوا، تفهموا كيف هاد الإشي بظهر بحياتكوا، وتحوّلوا الفهم لخطوات ونتائج حقيقية.
مهمتي أساعدكوا تميّزوا بين الشخص اللي تعلّمتوا تكونوه… والشخص اللي إنتوا عنجد.
1
اللقاء الأول: نكتشف
شو الحاجز اللي فعلًا بوقفكوا؟
رح تحدّدوا وين إنتوا عالقين اليوم، شو النمط اللي عم بتكرّروه، شو اللي بفعّله، وكيف عم بأثّر على قراراتكوا، علاقاتكوا وراحتكوا.
✨ رح تطلعوا مع:
- تحديد واضح للحاجز الأساسي.
- فهم للنمط اللي عم بتكرّروه.
- معرفة المواقف والأشخاص اللي بفعّلوه.
- صورة واضحة للثمن اللي عم تدفعوه بسببه.
📅 السبت 5.9
⏰ 11:00–13:00
2
اللقاء الثاني:
نفهم
من وين بلّش هاد النمط؟
رح تفهموا كيف تجارب من الماضي ساهمت ببناء طريقة تفكيركوا وتصرفاتكوا اليوم.
ورح تكتشفوا شو تعلّمتوا انه لازم تكونوا عشان تنحبّوا، تنقبلوا وتحسّوا بالأمان. (الطفل الشاطر؟ الهادئ؟ القوي؟
المسؤول؟ اللي ما بطلب إشي؟ ولا اللي برضي الكلّ؟)
✨ رح تطلعوا مع:
- فهم لجذور النمط.
- تحديد الدور اللي تعلّمتوا تلعبوه.
- معرفة الاعتقاد القديم اللي عم بمسككوا – وشو تعملوا فيه.
📅 السبت 12.9
⏰ 11:00–13:00
3
اللقاء الثالث:
نتحرّر
كيف تبطلوا تخلّوا الماضي يقرّر عنكوا؟
هون رح نشتغل على فصل الماضي عن الحاضر.
رح تكتشفوا الاعتقادات القديمة اللي بعدها عم بتديركوا، وتتعلموا كيف توقفوا ردّة الفعل الأوتوماتيكية وتختاروا بطريقة مختلفة.
رح تطلعوا مع:
أدوات عملية لتوقيف النمط واعتقاد جديد يساعدكوا تختاروا حالكوا.
السبت 19.9
11:00–13:00
4
اللقاء الرابع:
نبني
مين أنا لما أبطّل أعيش عشان أرضي الكلّ؟
بعد ما نفهم ونفكّك القديم، لازم نبني بداله إشي جديد.
رح نشتغل على:
- شو أنا فعلًا بدي؟
- شو بناسبني وشو لأ؟
- شو حدودي؟ وكيف بعبّر عن رأيي؟
- كيف بقول “لأ” بدون شرح طويل؟
- كيف بتعامل مع الشعور بالذنب؟
- كيف بضلّ ثابت/ة حتى لو الشخص الثاني ما عجبه الحدّ؟
رح تطلعوا مع: حدود واضحة وطريقة عملية لمحادثة عم بتتجنّبوها.
السبت 26.9 11:00–13:00
5
اللقاء الخامس: نخلق
كيف تبنوا حياة بتشبهكوا وبتريّحكوا أكتر؟ كيف أبني مستقبل مش محكوم بماضيي؟
التغيير الحقيقي مش بس إنكوا تعرفوا ليش إنتوا هيك.
التغيير هو إنه تعرفوا مين بدكوا تكونوا من هاليوم وطالع، وتبلّشوا تتصرّفوا من هاد المكان.
✨ رح تطلعوا مع:
- تعريف واضح للنسخة الجديدة منكوا.
- 3 حدود عملية.
- خطوات واضحة للتطبيق فورًا.
- خطة للتعامل مع الرجوع للنمط.
- التزام واحد بتبلّشوا تنفّذوه فورًا.
📅 السبت 3.10
⏰ 10:00–12:00
أسئلة ممكن تكون عم تدور ببالكوا ❓
لأ. كل واحد فيكوا بختار قديش بده يشارك. بتقدروا تستفيدوا من التمارين والعملية حتى لو فضّلتوا تحتفظوا بتفاصيل معينة لإلكوا.
اللقاءات رح تكون مسجّلة، بس بنصحكوا تحضروا مباشرة عشان تستفيدوا من التطبيق، الأسئلة والتفاعل.
مش رح أوعدكوا إنه كل إشي انبنى خلال سنين رح يختفي بخمسة لقاءات. بس خلال المسار رح تكتشفوا النمط، تفهموا جذوره، تتعلموا كيف توقفوه وتبنوا خطوات واضحة للتغيير بشكل فوري. هاي ع ضمانتي.
أبدًا. هدف المحادثة نفهم احتياجاتكوا ونتأكد إذا المسار مناسب إلكوا. اما اذا عارفين انكوا جاهزين – منعمل التسجيل فورًا.
📅 متى اللقاءات؟
اللقاء الأوّل: السبت 5.9 | 10:00–12:00
اللقاء الثاني: السبت 12.9 | 11:00–13:00
اللقاء الثالث: السبت 19.9 | 10:00–12:00
اللقاء الرابع: السبت 26.9 | 10:00–12:00
اللقاء الخامس: السبت 03.10 | 11:00–13:00
💻 وين اللقاءات؟
مباشرة عبر Zoom.
+ رح تحصلوا على تسجيل كل لقاء.
يمكن إنتوا مش بحاجة تفهموا حالكوا أكتر…
يمكن إنتوا بحاجة تبطّلوا تعيشوا حسب الشخص اللي تعلّمتوا تكونوه. 🪞
إذا تعبتوا من إنكوا توعدوا حالكوا تتغيّروا، وباللحظة الحقيقية ترجعوا لنفس الخوف، نفس التنازل ونفس النمط…
يمكن حان الوقت تسألوا:
مين إحنا بدون كل الإشي اللي تعلّمنا لازم نكونه؟
اتركوا الاسم ورقم التلفون، وأنا أو حدا من طاقمي منتواصل معكوا لمحادثة ملاءمة قصيرة. 🤍
