شو يعني تدريب شخصي؟
يعني نشتغل عليك إنت — مش على المشكلة من برا.
يعني نغوص عالجذر…
لأنك إنت المشترك بكل إشي بحياتك:
بالعلاقات، بالشغل، بالوزن، بالبزنس، بالقرارات، بكل زاوية.

إذا في شي واقف، متكرر، أو مقلقك —
فالأغلب مش هو المشكلة…
الأغلب إنك محتاج حدا يساعدك تشوف ليش عم يصير هيك،
ويكشّف شو عم بصير جوّاتك.

التدريب الشخصي مع ميرا توما
هو مساحة صادقة، مباشرة، وفعّالة.
مش جلسة حكي…
هي مراية، مواجهة، وخلخلة لكل إشي مش صادق بحياتك.

 شو بتوخد من التدريب؟
• وضوح على شو عم يمنعك تتحرك
• كشف الأنماط اللي عم تعيد نفس النتيجة
• شغل مباشر على العلاقة مع الذات، الناس، والقرار
• خطوات عملية تلائمك إنت — مش خطة جاهزة

الجلسة مش علاج…
بس هي ممكن تكون أكتر إشي عالجك.

 عندي رزم تدريب، لأنه ما في رقم سحري للجلسات.
منفحص سوا شو ملائم، ومنبلّش حسب شو عنجد إنت محتاج.

مين أنا؟
أنا ميرا توما،
مدرّبة، محاضِرة، ومرافقة لتحولات داخلية حقيقية.
درست علم نفس وموسيقى، وبآمن إنه كل إنسان عنده قوّة حقيقية
إذا تجرّأ يواجه حاله.

بشوف الناس زي كأني شايفة مراية جوّاتهن.
بفكّك الصور اللي لبستوها عشان تحمي حالها،
وبساعدهن يرجعوا لحالهن الأصلية، مش النسخة اللي تعودوا عليها.

النسخة الانجح والاسعد.

هدفي بالنهاية انك تضحك اكثر لانه بيناتنا؟

شو بستاهل اذا عندك كلشي وما بتضحك؟

ف مهمتي انك تضحك؛ وتعيش حياتك وانت محقق النتائج اللي بدك إياها بكل مجال كان.

بشتغل بوضوح، دقة وسرعة —
ما بضيّع وقت، وما بخاف من الحقيقة.
وبعرف كيف أوصل للقلب، وأرجعلك صوتك الحقيقي.

 التغيير بصير بلحظة.
بلحظة بتختار تشوف الحقيقة، وتتحمّل مسؤوليتها.
هاي اللحظة ممكن تكون اليوم —
وممكن تضل تأجّلها، وتضل تأجّل حياتك معها.

اختار.