خلف الأنا
ميرا توما - مدربة ومحاضرة بالتطوير الذاتي تقدّم:
محاضرة خلف الأنا
في عالم كامل مخبَّى ومسَيطِر عليك، اجى الوقت تتعرّف عليه.
كل شخص بقدر يعيش الحياة اللي بده اياها، بالزبط زي ما بده. اذا انت موجود هون وعم تقرا هاي الاحرف معناتك مآمن من داخلك انك بتقدر عنجد!
طب كيف؟ لي مش عم تقدر توصل لهاي الحياة؟ لانه في اشياء مخفيّة مش عم تشوفها، هاي الاشياء مقيّدتك ومربطتك وانت مش عارف انها موجودة اساسًا…
بتضل تحاول وتحاول تعمل اشياء بقوة اكبر وولا اشي بتغيّر… انك تحاول بقوة اكبر او انّك تيأس وتعيش بضغط بغيّرش الوضع!
اغلب الاشخاص اللي حاسة هاد التقييد، وكأنها عالقة محلها ومش قادرة توصل لنتائج غير بكونوا عايشين بضغط، وبعصبية على نفسهن وعالدنيا وهالاشي ما رح يغيّر الواقع.
الحل موجود! بس ببساطة هو مخفي عن عيونكوا وخسارة على كل يوم زيادة عم تعيشوه بدون ما تكتشفوا شو اللي مقيّدكوا!
شو الاشي اللي رح يتغيّر؟
"خلف الأنا" بتساعدنا نحط علامة سؤال حدّ كل اشي مفكرينه مفهوم ضمنًا؛ بتعطينا أدوات فعليّة نوخدها ونطلع معها لحياة اليوم يوم لحتّى احنا نختار مين نكون, كيف نكون بالمحل اللي احنا فيه وشو النتيجة تكون, نتيجة لاختِياراتنا وطريقة تَفكيرنا؛ بس اذا منوافق انه نغيّر طريقة التفكير تبعتنا اللي وصلّتنا للنتيجة تبعتنا اليوم!
آينشتاين قال:
طريقة التفكير اللي خلقت المشكلة؛ مستحيل تكون نفس طريقة التفكير اللي رح تحلها
لحتّى نعمل اي تغيير بحياتنا في اشي لازم يتغيّر ويتحرّك من محلّه، باللحظة اللي منفهم شو هاد الاشي، الواقع رح يتغيّر لانّه في اشي مختلف رح يدير طريقة التفكير تبعتي، وبالنتيجة الأفعال تبعتي وبالنتيجة، النتيجة تبعتي!
ف اذا في مجال بحياتك فيه مشاكل او تقييد، اجى الوقت انّه تغيّر زاوية نظرك عهالاشي لحتّى تلاقي الحلّ اللي الك وقت بتدوّر عليه.
على شو رح تحصلوا من المحاضرة؟
- شو بمنعني أنجح؟ ليش احنا عالقين ومش مهم شو منساوي مش زابط معنا؟ كيف الاشياء اللي عم بعملها عم بتقيّدني؟
- آليات الحماية شو يعني آليات حماية؟ وكيف عم يعيقونا وبحياتنا واحنا اساسًا مش عارفين بوجودهن؟
- شو المنطق من اننا منؤذي حالنا؟ كلنا منؤذي نفسنا بدون ما نعرف... كيف؟ وليش بالذات باكثر المجالات المهمة النا؟
- كيف ألغي المشاكل من حياتي؟ ولا حدا فينا مثير للاهتمام لأي شخص بالحياة؛ وفش انسان بده يتمشكل معك او يضايقك عن قصد... كلشي بتعلق فيك انت!
- رح نفهم كيف الاشي بتمّ وبوقتها ببطل في محل للمشاكل بحياتك.
- من وين أجيب الطاقات؟ ليش فش عندي طاقات؟ وليش مهم إنّي أعرف أدير طاقتي أاحافظ عليها ايجابيّة وكيف؟
- أسرار فعليّة للنجاح رح أكشف سبع أسرار للنجاح! اللي رح تقدروا تبلّشوا تعملوهن فورًا لحتى تحصلوا على تغيير فوري.
لمين المحاضرة مُناسبة؟
لكلّ شَخص بمرق واحدة أو أكثر من هدول الاشياء:
- من جوّا بتعرف ومتأكّد انّك بتغدر أكثر بس مش غادِر وعارف تطلِّع الاشي لأرضْ الواقِع.
- بتعاني من طاقات سلبية ومنخفضة اللي ما بتسمحلك تساوي اشي. مش عم تقدر تنام بالليل زي ما لازم!
- بدك تنتقل للمرحلة الجاي من حياتك ومستصعب او مش عارف كيف. كل مرّة من جديد بتطلعلك نفس النتيجة بالزبط مش مهم بأي مجال، ومش عارف كيف تطلع من الحلقة المسكرة اللي علِقت فيها.
- حساب البنك تبعك بآخر الشهر عم بحاول يحكيلك قصّة وانت عم بتحاوِل تتجاهلها وما تِفهَمْها وعم بتلوم وضع الدولة او الحظ!
- حاسس انه فش ولا انسان بفهمك بالحياة، وكنتيجة لهالاشي حاسس انك وحيد او انك بمشاكل مستمرّة مع الاشخاص.
- من وين أجيب الطاقات؟ ليش فش عندي طاقات؟ وليش مهم إنّي أعرف أدير طاقتي أاحافظ عليها ايجابيّة وكيف؟
- أسرار فعليّة للنجاح رح أكشف سبع أسرار للنجاح! اللي رح تقدروا تبلّشوا تعملوهن فورًا لحتى تحصلوا على تغيير فوري.
لما بتمرضوا بتروحوا تفحصوا حالكوا عند الدكتور، لما حساب البنك بِصَفِّر بتروحوا عالبنك تطلبوا قرْض طَب ولمّا عم بتعاني من هدول الاشياء؟
كلشي عليكوا تساووه هو انه تفحصوا شو سويتوا لحدّ اليوم، وكيف ممكن تخلقوا اشي جديد؛ كبير ومختلف، اليوم.
مُحاضَرة ومش أي مُحاضَرة، محاضرة مؤثرة، قوية، مثيرة، وفعالة بانها بتعطيك الأدوات اللي بتطلع منك الرغبة بانّك توصل للحياة اللي بدك توصلها، بطريقة فعّالة، سريعة وبترافقك كل العُمر.
انتوا فاهمين انّه مِش عَم نِحكي عن "كَمان مُحاضرة" انَّما على تّغيير حَياة صَح؟
المُحاضرة رَح تكون كمان:
03/10/2025 | يوم الجمعة
17:00-20:00
الناصرة
17:00 | تَجَمُّع وقَهْوِة
17:20 | فَتْح الأبواب
17:30 | بِداية المُحاضرة
20:00 | نِهاية المُحاضرة
اذا وصلتوا لحَد هون انا متأكدة انكوا فهمتوا انه هالمحاضرة بتِعمل تَغيير لحياتكوا.
تمرقوش كمان يوم واحد وانتوا مش محققين الحياة اللي بدكوا اياها،
اللي بفصلكوا عن هاي الحياة هو
كبسة زر.
سعر التذكرة 129₪
انتبهوا العدد محدود
